نداء نيوز – مشاهير
حلت الفنانة شيرين عبد الوهاب ضيفة ببرنامج مايسترو ،وتحدثت خلال الحلقة عن زكريات طفولتها خلال شهر رمضان وما تتمنى أن تحصل عليه في حياتها بجانب الفن ، كما كشفت عن سنة ميلادها والعمر الذي ستتزوج فيه .
وقالت شيرين عبد الوهاب : ” بحب أعمل الطقوس الرمضانية عشان أحس برمضان “، وعلقت ضاحكة :” وبالنسبة للفانوس محدش جابلي فانوس السنة دي غير مدام لميس زوجة الفنان يحيى الفخراني “.
وبدأت شيرين، في وضع عناوين لسنوات عملها منذ عام 2002 حتى عام 2006 :” 2002 آه ياليل و 2003 جرح تاني وهو مكنش جرح تاني انا كنت سعيدة بيه جدًا الألبوم ده و2004 حصل فيها مشاكل وفي 2005 لازم أعيش “.
وكشفت شيرين : ” أنا حساسة جدًا ودايمًا بشتكي من الموضوع ده وحقيقي أنا ممكن كلمة تتعبني وتخليني ارقد في السرير مقدرش أقوم “.
وأضافت : ” مرت عليا أيام قلت ياريتني ما كنت نجمة وياريتني كنت ست عادية متجوزة وقاعدة في البيت بربي أولادي”.
وسردت شرين :” أنا في أيام بتعدي عليا بموت من الرعب وحقيقي نفسي يكون عندي بيت وأطفال وحياة تانية منفصلة عن الفن وحقيق أنا بحب الفن جدًا بس خايفة يسرق من حياتي “.
وأجابت شيرين، على سؤال ” انتي صحيح محددة إنك تتجوزي وانتي 28 سنة ؟” قائلة :” أنا مواليد سنة 1980 وعندي 26 سنة وموضوع الجواز ده نصيب مش أنا الي هحدده أكيد “.
وعلقت : ” أنا مزاجي صعب والمفروض إلى يحبني يستحملني بس أنا رومانسية جدًا وده يمكن لأني برج الميزان “.
